Banorët e Shkozës janë zgjuar sot nga zhurmat e fadromave dhe mjetet e IKMT, bashkë me policinë. Shtëpitë e tyre që ndodhen në një lagje në Unazën Lindore, do të shemben.
Ndërkohë banorët që preken nga projekti i “Unazës së Re”, janë përplasur fizikisht me forcat e policisë pasi kundërshtojnë urdhërin e IKMT për prishjen e banesave. Gjithashtu mësohet se ka patur edhe ndërhyrje të FNSH për të siguruar qetësimin e situatës.
Pronari i një banese që rrezikon shembjen, Andrea Suli deklaroi se shtëpia e tij është ndërtuar në vitin 1996, ndërsa ai ka aplikaur për procesin e legalizimit prej kohësh por përgjigjja e marrë para 2 javësh ka qenë negative.
Sipas raportimit të gazetarit Marjus Merhori banorët nuk kanë problem me prishjen e banesave, por ata kërkojnë një kontratë ose bonus qeraje për t’u larguar.
Megjithatë, forcat e policisë kanë siguruar perimetrin pranë banesave, ndërsa fadroma e IKMT është bërë gati për të nisur procesin e shembjes.
Discussion about this post