Ukraina është tronditur nga një shpërthim i fuqishëm. Ngjarja është shënuar në urën në ngushticën e Kerçit. Kjo zonë konsiderohet si simbol i pushtimit rus. Ura ka rëndësi strategjike, pasi është një rrugë e rëndësishme furnizimi logjistike për forcat ruse në Krime dhe për territoret e pushtuara ukrainase.
Sipas agjencisë ruse së lajmeve RIA, një zjarr shpërtheu në një rezervuar karburanti në urën në gadishullin e Krimesë.
Videot nga vendi i ngjarjes tregojnë një tren që digjet dhe pjesë të rrugës të shembura. Të paktën dy vagona hekurudhore të një treni janë përfshirë nga flakët, ndërsa shihet tym i zi ngado. Dëshmitarët në zonë thanë se shpërthimi, i cili u dëgjua disa kilometra larg, ndodhi rreth orës 6 të mëngjesit të së shtunës, ndërsa një tren po kalonte urën.
Discussion about this post