Cristiano Ronaldo ishte nën kritika në fund të vitit të kaluar për sjelljet e tij te Manchester United çka edhe pasoi shkëputja e kontratës me akord të dyanshëm.
Ylli 38-vjeçar më pas vendosi të kalonte te Al Nassr e Riadit për një pagë që raportohet të jetë 200 milionë euro në vit dhe kritikat u rritën edhe më shumë se ai u largua nga Evropa për shkak të kësaj shume.
Por, pesë herë fituesi i Topit të Artë vazhdon të jetë pjesë e raportimeve nga kontinenti i vjetër për lojën e tij në Arabinë Sauditë, ku realizoi dy hattrick me skuadrën e tij të re, ndërsa tani po dominon në një tjetër aspekt.
Ronaldo është lojtari më i kërkuar në internet, me 17.4 milionë kërkime në emër të tij. Ai e mposht rivalin e përjetshëm, Lionel Messin, që është në vendin e dytë me 13.2 milionë kërkime.
Top treshen e mbyll braziliani Neymar Santos Junior, që ka 9.2 milionë kërkime në emër të tij.
Discussion about this post