Në prag të ndeshjeve me kombëtaret, është rikthyer të flasë Cristiano Ronaldo, i cili ka komentuar sërish merkaton faraonike të Saudi Pro League, e cila ka hyrë me forcë në tregun botëror të merkatos dhe është në gjendje të rrëmbejë shumë lojtarë të mëdhenj nga Europa, duke tërbuar jashtë mase, Premier League dhe UEFA-n.
Pikërisht në lidhje me një nga deklaratat e tij, më të komentuara, ku tha se “futbolli saudit do të jetë mes 5 më të mirëve në botë”, ai u shpreh se mediat e cilësuan të çmendur në atë kohë, portugezin.
Gjatë konferencës për mediat, CR7 u shpreh se ishte privilegj për të, që ndryshoi kulturën e një vendi.
“E dija që do të ndodhte, e thashë gjashtë muaj më parë dhe të gjithë menduan se isha i çmendur. Për mua ishte një privilegj i madh të ndryshoja kulturën e një vendi në aspektin futbollistik dhe të shihja yje të mëdhenj të shkojnë në Arabinë Saudite”, tha kapiteni i kombëtares portugeze.
Discussion about this post