E ardhmja e Cristiano Ronaldos vazhdon të jetë një nga çështjet më të diskutuar ditët e fundit. Shpesh herë CR7 është përfolur për një rikthim të mundshëm te ish-skuadra e tij.
Por presidenti i Sportingut, Frederico Varandas ka “ngrirë” tifozët me deklaratën e tij të fundit.
Në një intervistë për RTP3, numri një i skuadrës portugeze ka theksuar se: “Që nga fillimi i sezonit, trajneri ynë është masakruar në çdo konferencë shtypi, janë thjesht thashetheme se nuk kam ndërmend të merrem me to. Është një çështje e përfunduar. Të gjithë në Sporting ëndërrojnë rikthimin e tij, por ne nuk kemi para për t’i paguar pagën“.
Në këtë mënyrë Varandas ka shuar njëherë e mirë “ëndrrën” e tifozëve portugez për të parë idhullin e tyre të veshë edhe njëherë fanellën e Sportignut, skuadër ku nisi suksesin e tij.
Discussion about this post