E ardhmja e Cristiano Ronaldos në “Old Trafford” duket drejt fundit, ku në janar me shumë gjasa portugezi do të ndajë rrugët me Manchester United.
Marrëdhënia mes palëve prej kohësh tashmë është “krisur”, dhe largimi i CR7-tës është i pashmangshëm.
Edhe pse ish-ylli i Real Madrid është një nga sulmuesit më të mirë në botë, përsëri në drejtim të tij nuk ka oferta, mbase dhe paga e tij është e papërballueshme për shumë ekipe.
Chelsea është përfolur vazhdimisht si një nga opsionet për 37-vjeçarin, ku edhe në merkaton e vetës u lakua shumë, por ish-trajneri i bluve të Londrës, Thomas Tuchel vëri “veton” ndaj tij duke kundërshtuar presidentin Todd Boehly për të afruar në merkaton e verës Ronaldon.
Presidenti Boehly ka një marrëdhënie shumë të ngushtë me agjentin e Ronaldos, Jorge Mendes dhe në këtë formë palët nuk e kanë aspak problem të gjejnë gjuhën e përbashkët. Ndaj, mundësitë për të parë Ronaldon përkrah Armando Brojës në janar tek Chelsea, janë mëse reale.
Discussion about this post