Richard Grenell po vijon qëndrimin e tij në Kosovë, të cilin e pasqyron nëpërmjet postimeve në Twitter. Së fundmi ai ka publikuar një foto duke kaluar në kufirin Merdar.
“Sot kalova kufirin me Kosovën Serbinë në Merdar. Donald Trump e vuri në funksionim këtë stacion të ri kalimi si pjesë e 4 Marrëveshjeve të Normalizimit Ekonomik”, shkruan Grenell.
Në lidhje me këtë postim të tij ka reaguar dhe Viola von Cramon, raportuesja e Parlamentit Evropian për Kosovën. Cramon pohon se pika e Merdarës u ndërtua me 6 milionë euro nga paratë e taksapaguesve të BE-së dhe jo të ShBA-ja. Më tej ajo ka përmendur dhe Liqenin e Ujmanit, ku i thotë atij se në vend të ndryshimit të emrit duhet të sjellin para.
“Do të ishte mirë nëse do të ishte e vërtetë. Pika CC Merdar u ndërtua nga 6 milionë euro nga paratë e taksapaguesve të BE-së. Herën tjetër në vend që ta riemërtoni Liqenin e Ujmanit sillni edhe pak para”, ky është postimi i Cramon.
Discussion about this post