Ish kreu i Dhomës Amerikane të Tregtisë, Marc Crawford, aktualisht president nderi i këtij institucioni, është shprehur se ish-kreu i zyrës së kundërzbulimit të FBI-së në New York “do ti tregojë të gjitha” lidhur me dosjen për Shqipërinë.
“Për të shkuar në Amerikë dhe për të korruptuar një agjent të FBI-së thjeshtë për një rival në Shqipëri, nuk përputhet.
Korruptimi i një agjenti të FBI-së është një shkelje shumë e rëndë, kurse në Ballkan në lojën politike, ndodh përditë pothuajse këtu. Unë e shikoj shumë shpesh që çdo anë të politikës, jo veç në Shqipëri, por edhe në bote, ata duan të rrethojnë dallaveret e tyre me flamurin amerikan, nëse kanë mundësi.
Nëse ata mund të bëjnë këtë me lobimin, kjo nuk është shkelje tamam dhe kjo ndodh përditë. Por ata lobues janë të regjistruar në Amerikë dhe dihet me kë kanë lidhje. Për mua për të shkuar në një nivel më të thellë, për të korruptuar një agjent të FBI është një peshë më e thellë.
Për pikëpamjen time është naftë që është e lidhur me Rusinë dhe pastrimin e naftës ruse. Kjo është diçka që e shikojmë dhe para 2-3 ditësh kishte një ankesë nga Ukraina se po pastrohet shumë naftë ruse, duke shkuar në Indi dhe nga këtu në të gjithë Europën dhe ne e dimë që edhe importimi nga India është rritur shumë gjatë kësaj periudhe.
Për mua ka shumë peshë dhe mundësi që ka një lidhje atje. Nëse McGonigal ka thënë se është i fajshëm në Nju Jork, ai do të tregojë çdo gjë. Edhe nëse tregon çdo gjë në New York do të thotë se do të tregojë çdo gjë edhe në Washington. Për mua do të jetë e habitshme të thotë që jam i fajshëm në Nju Jork dhe nuk jam i fajshëm në Uashington”, u shpreh Marc Crawford në SYRI TV.
Discussion about this post