Mbrëmjen e sotme në orën 20:30 do të mbahet ceremonia e ‘Topit të Artë’, që jepet nga ‘France Football’ dhe do të zhvillohet në Paris.
Ndërsa edhe disa orë na ndajnë nga ecja në tapetin e kuq të futbollistëve që nis në orën 19:00, mësohet se ylli i Manchester United, Cristiano Ronaldo, i cili e ka fituar 5 herë këtë trofe gjatë karrierës së tij, nuk do të jetë prezent.
Favoriti kryesorë që përflitet se mund ta fitojë këtë trofe sonte është Lionel Messi, i cili nëse do ia arrijë do numëronte plot 7 ‘Topa të Artë’.
Megjithatë ai është në garë të fortë me sulmuesin e Bayern Munich, Robert Lewandowskin, që po ashtu është një nga emrat më të suksesshëm të futbollit në 2021./K.T/Gijotina.com
Discussion about this post