Cristiano Ronaldo ka lënë të kuptohet se karriera e tij futbollistike mund të jetë pranë fundit.
Në një intervistë për revistën “Vogue”, ylli portugez ka bërë një deklaratë që ka tërhequr vëmendjen e madhe të tifozëve në mbarë botën.
“Ndoshta ky është viti im i fundit në futboll dhe dua të lë pas një trashëgimi të jashtëzakonshme”, është shprehur Ronaldo.
Deklarata e 41-vjeçarit vjen në një moment kur ai vazhdon të jetë aktiv në nivele të larta dhe të luajë një rol të rëndësishëm, pavarësisht moshës.
Nëse vendos ta mbyllë karrierën pas këtij sezoni, Ronaldo do t’i japë fund një prej kapitujve më të jashtëzakonshëm në historinë e futbollit.
Pesë herë fituesi i “Topit të Artë” ka fituar trofe të shumtë me klubet ku ka luajtur, ndërsa ka vendosur rekorde të panumërta individuale.
Ai ka lënë gjurmë të veçanta edhe me kombëtaren e Portugalisë, duke u shndërruar në një prej futbollistëve më të suksesshëm të të gjitha kohërave.
Megjithatë, fjala “ndoshta” lë ende një derë të hapur. Ronaldo nuk ka konfirmuar zyrtarisht pensionimin, por deklarata e tij është një sinjal i fortë se fundi i karrierës së tij legjendare mund të jetë shumë pranë.
Discussion about this post