Ministri i Brendshëm Bledi Çuçi ka harruar ngjarjen e rëndë që ndodhi me vrasjen e efektivit Saimir Hoxha dhe vazhdon axhendën e tij me plane të parealizueshme. Përmes një postimi në Facebook, ai ka tregon se ka realizuar sot një takim me ministrin Federal të Punëve të Brendshme të Austrisë, Karl Nehammer dhe gjithashtu ka publikuar një foto me këtë të fundit.
Ai shprehet se, Shqipëria do të krijojë një strukturë në policinë e shtetit, që do të quhet skuadra e policisë alpine, por në fakt harron se struktura e Policisë së Shtetit ka shumë mangësi. “Me ministrin Federal të Punëve të Brendshme të Austrisë, Karl Nehammer, gjatë takimit të sotëm në Tiranë folëm edhe për asistencën që ata mund të na japin për të krijuar skuadrën e Policisë Alpine në Policinë e Shtetit.
Gjithmonë e më shumë zonat malore të Shqipërisë po preferohen nga turistët, përfshi edhe ata nga Austria. Alpet tona janë një destinacion mjaft i frekuentuar nga turistët gjatë gjithë vitit”, shprehet Çuçi pas takimit me homologun austriak.
Sakaq, kujtojmë se në vendin tonë janë shtuar rastet ku efektivët e policisë humbasin jetën në krye të detyrës.
E.H/ gijotina.com/
