Buxheti i Ministrisë së Brendshme për vitin 2022 do të jetë 4% më i lartë se ai i 2021-it.
Ministri Blendi Çuçi shpjegoi se si do të bëhet ndarja e 21.7 miliardë lekëve.
Në këtë buxhet përfshihen shpenzime operative, paga, teknologji, pajisje të domosdoshme, pagë shtesë për punonjësit që ushtrojnë detyrën larg vendbanimit dhe nevoja të tjera të këtij institucionit.
Sipas Çuçit, ky buxhet është rritur me 42% në krahasim me 8 vite më parë.
Prioritet do të realizohen nëpërmjet, e para lidhet me përmirësimin e vazhdueshëm të kushteve të punonjësve të policisë dhe përkatësisht me trajtimin financiar të trupës së policisë duke i parashikuar shpërblimet shtesë deri në 150 % të pagave të punonjësve të Policisë së Shtetit që ushtrojnë detyrën e tyre jashtë vendbanimit. Së dyti, këto prioritete do të adresohen nëpërmjet fuqizimit të bazës teknologjike, rinovim të pajisjeve teknologjike dhe zhvillim të software & hardware, si dhe të database-ve të ndryshme që ka Policia e Shtetit.
Në krahasim me vitin 2022 investimet në teknologji do të rriten me 555 milionë lekë më shumë se në 2021. Sipas ministrit, 45% e investimeve do të jenë pikërisht në këtë sektor.
“Një risi e rëndësishme e tij është dhe ajo që ka të bëjë me rritjen e pagave të punonjësve të Policisë së Shtetit, që ushtrojnë detyrën e tyre jashtë vendbanimit. Vitin që vjen, në formën e shpërblimit, do ta çojë pagën e kësaj kategorie të punonjësve të policisë deri në 150 % të pagës që marrin sot”, tha Çuçi.
Në bazë të kilometrave, pra largësisë që ka punonjësi që punon jashtë vendbanimit të tij, duke u nisur nga 20 deri në 60 km largësi, do të përfitojë 20% më shumë mbi pagën, nga 61 km deri 120 km, do të përfitojë 30% më shumë mbi pagën dhe mbi 121 km, do të përfitojë 50% mbi pagën mujore.
Ndër të tjera, mbështetje do të ketë dhe për strukturat e IKMT dhe SHÇBA, ku dhe aty do të ketë rritje pagash. Garda e Republikës po ashtu do të preket nga ky plan i ri i ministrisë.
Sipas Çuçit, pjesa më e madhe e buxhetit duket se do të shkojë në rritjen e rrogave për efektivët e policisë, të cilët shpeshherë kanë pasur denoncime në media për mënyrën se si janë paguar
Discussion about this post