Me ardhjen e stinës së verës dhe tenderat abuziv po lulëzojnë nga çdo institucion shtetëror. Ministri i Brendshëm, Bledi Çuçi, është ai që ka nisur aferën e radhës përmes tenderave. Qeveria vazhdon t’iu kërkojë qytetarëve të kursejnë pasi jemi në kohë krize, por Çuçi ka zgjedhur të shpenzojë për festa në Shtëpinë e Pushimit të MB, Durrës. Në këtë shtëpi pushim çdo vit organizohen festa nga ministria dhe shpenzimet shkojnë lum. Duke qenë se jemi në emergjencë këto lloj shpenzimesh duhet të evitoheshin sidomos kur behën nga vetë qeveritarët që kanë shpallur gjendjen emergjente të vendit. Madje, ditën e sotme Ministria e Brendshme ka publikuar një tender me objekt blerje bulmeti vetëm për këtë shtëpi pushimi. Mund të duket çudi por Çuçi ka vendosur të shpenzojë 6 milionë lekë për gjalpë e djathë për një fundjavë . Kur, me këto shpenzime mund t’i siguronte ushqimet bazë të paktën 5 familjeve në nevojë për disa muaj. Por, kjo nuk ka ndodhur pasi qeveritarët tanë nuk ndjekin këtë sitëm, qëllimi i tyre është të pasurinë oligarkët, duke iu vjedhur edhe thërrimen e fundit taksapaguesve shqiptarë. Çuçi e ka bërë më së miri këtë “detyrë”, pasi tenderin e ka marrë një kompanie përfshirë në disa skandale.
Në garë kanë marrë pjesë kompanitë “NELSA” shpk e cila ka ofruar vlerën 622,700 mijë lekë dhe kompania “Sinani Trading”shpk e cila ka paraqitur ofertën me vlerë 623, 500 mijë lekë të reja, ose 6 milionë lekë të vjetra. Por ofertuesin më të lirë Ministria e ka skualifkuar me justifikimin se ka paraqitur me vonesë dokumentet e ngarkuara nga SPE, kur ën fakt dokumentet origjinale janë dorëzuar brenda afateve. Por, si duket Çuçi duhet të gjente një justifikim që fituese të dilte kompania “Sinani Trading”shpk, për shkak se është në listën e kompanive që drejtohen nga oligarkë.
Fituesi i dënuar për vjedhje
Sikur e përmendëm më lartë Çuçi ka shpallur fitues të këtij tenderi “Sinani Trading”shpk, një kompanie cila është akuzuar më parë për vjedhje me tenderat dhe themeluesi i saj Shemsi Sinani. Më parë kompania quhej “M. B. KURTI” SHPK, por pas shumë abuzimeve dhe numrit të lartë të tenderave ndryshoi emri në Sinani Trading”shpk, për t’i shpëtuar drejtësisë. Gjithsesi në vitin 2018 aferat e kësaj kompanie u zbuluan dhe pronari i saj Shemsi Sinani doli para drejtësisë.
Kujtojmë se, bëhet fjalë për skandalin ku u përfshi ish-zëvendës drejtori i burgjeve, Iljaz Labi. Labi bashkë me Shemsi Sinanin kishin abuzuar dhe zhvilluar në shkelje të ligjit tenderin për blerjen e ushqimeve në burgje. Sinani, kreu i kompanisë “Sinani Trading”shpk kishte fituar tenderin pa garë dhe me probleme në dokumentacione, asaj kohe Gjykata e lartë vendosi katër vite burg për të. Nga hetimi ka rezultuar se administratorët takoheshin me njëri-tjetrin dhe binin dakord për pjesëmarrjen në tender, duke shkëmbyer informacionin dhe duke përpiluar dokumentet e pjesëmarrjes në prokurime, në mënyrë të tillë që të fitonte njëri prej tyre, sipas bisedave që ata bënin. Administratorët e këtyre shoqërive me në krye Shemis Sinanin paraprakisht përcaktonin edhe se cili prej tyre do të dilte fitues në njërin prokurim apo në secilin lot prokurimi. Por, pavarësisht këtij skandali kompania e Shemsi Sinanin vazhdon të gllabëroj tendera. Tashmë me tjetër emër dhe me administrator djalin e Shemsiut, Ledion Sinani. Pikërisht rasti për të thënë “ujku qimen e ndërron, por zakonin se harron”.
Discussion about this post