Është arrestuar 50-vjeçari Tritan Pipiko në Delvinë pasi lëndoi arbitrin kryesor të ndeshjes duke hedhur sende të forta në fushë. Sipas policisë, gjatë ndeshjes së sotme Delvinë-Elbasan, 50-vjeçari ka hedhur gurë nga pallati afër stadiumit në fushën e blertë. Pipiko mësohet se ka qenë ish-lojtar i Delvinës. Arbitri i ndeshjes është dërguar në spital për të marrë ndihmën mjekësore.
Njoftimi i policisë:
Delvinë/Hodhi sende të forta në fushë duke dëmtuar arbitrin kryesor të ndeshjes së futbollit, arrestohet në flagrancë 50-vjeçari.
Specialistët për Hetimin e Krimeve në Komisariatin e Policisë Delvinë arrestuan në flagrancë shtetasin T. P., 50 vjeç, banues në Delvinë.
Gjatë ndeshjes së futbollit të kategorisë së dytë, ndërmjet skuadrave të Delvinës dhe Elbasanit, të zhvilluar ditën e sotme, në stadiumin “Panajot Pano”, Delvinë, 50-vjeçari nga lartësia e një pallati afër stadiumit, ka hedhur sende të forta (gurë), në fushë duke dëmtuar arbitrin e ndeshjes, shtetasin Xh. A., i cili pasi ka marrë ndihmë mjekësore në spital është larguar në banesë. Materialet i kaluan Prokurorisë, për veprat penale “Goditja e sportistit, trajnerit, ndërmjetësit sportiv” dhe “Veprime të dhunshme në aktivitet sportive”.
Discussion about this post