Çudira në Tiranë/ I vodhën Universitetit Bujqësor dy lopë, arrestohen 5 të rinjtë në Kamzë

Një vjedhje e pazakontë ka ndodhur në Tiranë, ku mësohet se pesë të rinj kanë rënë në pranga pasi në bashkëpunim me njeri-tjetrin kanë vjedhur dy lopë në Universiteti Bujqësor.

Konkretisht në pranga kanë rënë:  F. D., 26 vjeç, F. H., 22 vjeç, H. Xh., 20 vjeç, D. B., 17 vjeç dhe L. T., 16 vjeç, për veprën penale “Vjedhja”.

Këta të rinj, akuzohen se ditën e djeshme, kanë vjedhur dy bagëti të trasha, në fermën didaktike, në pronësi të Universitetit Bujqësor Tiranë. Materialet i kaluan Prokurorisë, për veprime të mëtejshme procedurale.