Divorci është një fenomen që po përhapet ndjeshëm gjatë viteve të fundit në Shqipëri, më së shumti shkak bëhen problemet sociale dhe ekonomike, por ke edhe raste nga më të ndryshmet. Krahas problemeve që sjell kjo mes çifteve, divorci shkakton edhe probleme të tjera sociale, megjithatë disa situata janë jo pak komike. Një ngjarje e tillë ka ndodhur së fundmi edhe në rrethin e Elbasanit, ku një i ri duke mos mundur të kthejë mbrapsht bashkëshorten, ka vendosur që të paktën të rikuperojë një pjesë të shpenzimeve të dasmës.
Çifti ishte martuar në nëntor, por nuk zgjati shumë dhe ata ndahen në janar. Pas ndarjes, i dhëndri ka menduar se ku mund të rikthejë një pjesë të parave. Shpenzimet e ushqimit nuk i rikthente dot kështu që mendoi që të rimerrte mbrapsht paratë që i kishte dhënë kameramanit që kishte filmuar dasmën dhe kishte bërë setin e fotografive.
Pas ndarjes dhëndri nga një fshat pranë Elbasanit është paraqitur në studion e dasmave me kasetën në dorë duke I thënë se kishte ardhur t’ia kthente. Në këmbim, ai kërkonte kthimin e parave pasi sipas tij martesa kishte dështuar. Përballë kësaj kërkese të pazakontë, kameramani nuk ka ditur se çfarë përgjigje t’i japë në fillim, por sigurisht që paratë nuk mund t’ia kthente mbrapsht pasi puna ishte bërë dhe nuk mbante përgjegjësi për raportet e çiftit me njeri-tjetrin.
Discussion about this post