Shqipëria jo rrallëherë karakterizohet nga fenomene të pazakonta. E njëjta gjë ka ndodhur dhe në Vlorë, ku në një fotografi që ka bërë xhiron e internetit, shihet një pako qoftesh, e cila skadon në 6 nëntor të vitit 2050.
Blerësit zakonisht shohin datën e skadencës fillimisht për të garantuar cilësinë maksimale të ushqimit, por çfarë ndodh në rastin kur një fabrikë vendos si afat konsumi plot 28 vite?!
Emërtimi “Duhet përdorur deri në” , vendoset në bazë të një ligji ndërkombëtar për produktet ushqimore, por mesa duket në Shqipëri përveçse nuk jemi të sigurt për ato që konsumojmë, udhëzohemi të mos i flakim tutje ato për thuajse 3 dekada.
Postimi në faqen “Disidentët” në Facebook:
“Problemi u zgjidh!
Për të mos ia çarë më kokën Ani Drakulës me kontrolle, është rënë dakord që skadenca të ketë afat deri në 2050!
Pastaj. Pas 2050 kismet Ani do dalë në punë.
Do thoni ju pse aq gjatë dashka të qëndrojë në AKU rrushi?
Po mi, pse jo…pse deri tani si ka qëndruar?
A ta lumsha o i pavdekshmi ynë”
Discussion about this post