Operatori i Shërbimeve të Kujdesit Dentar, një institucion në varësi të Ministrisë së Shëndetësisë ka surprizuar me tenderin prej 140 milionë lekësh, i cili ka si objekt F.V. Unite Dentare për kujdesin dentar të fëmijët. Veçmas shifrës së lartë ajo që bie në sy në dokumentin e publikuar është mungesa e konkurrencës duke bërë që ky tender të klasifikohet me “red flag”. Pjesmarrës në tender është vetëm operatori fitues, i cili shënon dhe habinë e radhës në këtë garë pa garë.
Objekti i tenderit siç kuptohet lidhet me materiale dentare/farmaceutike, ndërkohë fituese e tenderit është operatori MOTO-MANIA, një kompani që nuk operon aspak në sektorët që përfshijnë këto mallra që parashikon tenderi. Në objektin e veprimtarisë së këtij operatori shkruhen saktësisht: Tregtim me shumice dhe pakice dhe import-eksport të: motocikleta, aksesore motocikletash, bateri, vaj motocikletash, bicikleta, aksesore bicikletash. Pra, një tender për pajisje dentare i jepet një kompanie që tregton motomjete.
Kompania në fjalë ka ofertuar për këtë tender mbi 92 milionë lekë, teksa në garë nuk ka pasur asnjë kundërshtar, duke iu lënë rruga e lirë që të fitojë tenderin, ndonëse është një operator që nuk ka në fokus tregtimin e mallrave dentare.
Discussion about this post