Çudit me veshjen e saj, Rita Ora shfaqet me ngjyrat e vjeshtës

Ajo gjithmonë merr vëmendjen me shijen e saj të modës.

Dhe Rita Ora dukej e qetë, por me stil, e veshur me një palë pantallona kuqërreme të lirshme dhe një xhaketë ngjyrë kafe ndërsa doli në Londër të martën mbrëma.

Këngëtarja, 30 vjeçe, zgjodhi nuancat e vjeshtës teksa e kishte veshur xhaketën mbi një këmishë ngjyrë kafe, shkruan DailyMail.

Rita tregoi pak anën e saj provokuese, duke lënë të zbërthyer një prej kopsave të saj te pjesa e dekoltesë.

Ylli i muzikës pop eci përgjatë rrugës me duart në xhepa dhe për aksesorë zgjodhi një palë syze ngjyrë portokalli.

Rita i kishte mbledhur flokët e saj në stilin bisht, ndërsa mbuloi fytyrën me një maskë mbrojtëse për shëtitjen e mbrëmjes.