Dafina merr 1 super-dhuratë nga menaxheri i saj: Të dua përjetë

Dafina Zeqiri është surprizuar së fundmi nga menaxheri i saj. Ky i fundit i ka bërë dhuratë një orë super të shtrenjët të markës “Rolex”.

Këtë moment e ka ndarë vetë artistja e cila krahas videos ku merr dhuratën shkruan: Menaxher i lumtur baraz me artiste të lumtur. Të dua përjetë,”-duke bërë tag edhe Pëllumbin.

Kujtojmë që vetëm pak ditë më parë Dafina Zeqiri është “zbërthyer” në një intervistë me gazetarin Berat Buzhalën. Në këtë dalje të saj artistja ka bërë një rrëfim personal mbi jetën e saj, duke treguar shumë detaje që mbase jo të gjithë i dinim rreth saj.

Si fillim ajo foli për vitet e saj të adoleshencës, ku rrëfeu se para se të fillonte karrierën ka përjetuar momentin më të vështirë në jetë.

“Para se ta filloja karrierën kam përjetuar momentin më të vështirë. Ka ndodhur kur kam qenë 16 vjeçe, kam përjetuar shumë trauma. I kam kaluar si fëmijë dhe nuk kam pasur nevojë që të shkoj dhe të kërkoj ndihmë mjekësore. Mbas asaj vetëm plumbi në ballë mundet që të më ndalojë”, tha këngëtarja e njohur.