Daja i 6-vjeçares së dhunuar nga babai në Kamëz ka rrëfyer detaje rreth historisë që shokoi opinionin publik.Pre e dhunës nga babi i të miturës, ka rënë dhe e ëma që siç vëllai i saj tregon ka pësuar dy aborte përpara lindjes së vajzës.
Daja i 6-vjeçares bëri një akuzë të rëndë ndaj kunatit duke thënë se e donte mbesën për transplant organesh.Ai tha se abortet e njëpasnjëshme vinin si pasojë e tenatativës për të sjell në jetë një fëmijë e më pas për ta trafikuar.
“Në 2014 motra ka dështuar. Unë nuk e dija që isha shtatzënë sepse kisha gruan sëmurë dhe më pas vdiq. Kishte dështuar dhe më përpara, sepse ishte qëllimi që të mos lindte fëmijë që ta trafikonin.”, shprehet ai.
Ai apeloi që institucionet të reagojnë ndaj këtij akti, teksa përforcoi qëndrimin se dyshonte që qëllimi nga babai i vajzës ka qenë që ta trafikonte atë, teksa për të motrën theksoi se gjendet nën presion psikologjik nga familja e bashkëshortit të saj.
“Unë i bëj thirrje të gjithë shtetit që të vihet në lëvizje dhe të dënohet akti. Dyshimet e mia janë për transplant për vajzën e motrës sime dhe motra ime është nën presionin e familjes së tij dhe bashkëpunëtorët të dalin para drejtësisë.
Jam i mendimit se e donin për transplant. I bëj thirrje shtetit që të vihen në lëvizje e të vihen para përgjegjësisë. Të shpëtohet mbesa”, apeloi daja i 6-vjeçares.
Ai rrëfeu një episod të ndodhur në gusht gjatë një thirrje telefonike me motrën dhe mbesën e tij.E mitura i kishte thënë se do t’a rrihnin atë dhe se do i vdisnin të ëmën.Sipas dajës, vajza e mitur rrinte e mërzitur dhe qante vazhdimisht, teksa motra e tij refuzonte t’i përgjigjej thirrjeve telefonike.
“Unë mora motrën në telefon e pyes si je, më thotë mirë diçka. I them a ke punuar, po tha tek puna. E pyeta si është vajza, ma kalo vajzën. Vura veten me dyshim me fjalët që më tha. Do më rrahin mua, ke ikur larg. Kam frikë se do më vdesin mamin. Në muajin gusht kjo telefonatë. Kam pas 100 halle. Nuk kam folur më me vajzën. Kam ardhur në fund të shtatorit në Shqipëri. Nuk kishim asnjë informacion për motrën time. Vajza na vuri në dyshime, ishte e mërzitur, vetëm qante. Vij në shtator, motra s’ma hapte telefonin kur isha në Francë. Kur erdha këtu telefoni më dilte i bllokuar”, tha daja.
Ndërkohë, ekspertiza mjeko-ligjore vërtetoi dhunën fizike të ushtruar ndaj të miturës nga i ati dhe rrëzoi poshtë aludimet për abuzim seksual.
Discussion about this post