Partizani fitoi ndeshjen e parë në kupë ndaj Tërbunit me shifrat e pastra 3-0 duke hedhur një hap të sigurtë drejt turit tjetër të kupës së Shqipërisë. Pas ndeshjes trajneri Ilir Daja theksoi se skuadra e tij ka nevojë të konsolidohet dhe ndaj Vllaznia shpreson që fati të jetë me kryeqytetasit.
“E para që dua të theksoj janë kushtet e mira dhe mikpritja në qytetin e Pukës. Edhe ambienti në tribunë edhe fusha, çdo gjë ishte në nivelin maksimal të mikpritjes. Ne e kishim vlerësuar këtë përballje sepse kemi nevojë të konsolidohemi. Përballë kishim një ekip me djem të rinj të Tërbunit. Edhe ata në disa fragmente të lojës u shprehën mirë. Në ndeshjen e kthimit do të fokusohemi tek lojtarët që janë aktivizuar më pak. I uroj Tërbunit një sezon sa më të mirë të jetë e mundur.
Dueli ndaj Vllaznisë? Çdo ndeshje është e vështirë, është ndeshja e radhës, do jemi të gatshëm. Edhe ndeshjen e fundit në Korçë, kemi bërë goxha mirë përveç rezultatit. Shpresojmë që kësaj radhe fati të jetë me ne”, u shpreh Daja.
