Arbri Braho, nënkryetari i Bashkisë Durrës ka shpërthyer në akuza për këtë institucion. Gjithashtu ai bën me dije se në krye të vijon të jetë Vangjush Dako. Braho i ka dedikuar dhe një postim në “WhatsApp” ish-kryetarit duke e etiketuar me nofkën “xhuxhi339”.
Në reagimin e tij ai e ka quajtur Dakon një hajdut dhe një njeri që i ka marrë frymën qytetit.
Arbri Braho ka folur drejtpërdrejt në media duke shprehur revoltën e tij.
Braho ka përforcuar akuzat e tij dhe shtoi se po trajtohet si roje në bashki. Braho shton se një vizitë në Durrës do të mjaftonte për të parë situatën në atë qytet, që sipas tij të bënë të kuptosh se tërmeti tragjik i 26 nëntorit e ka shkundur vendin dy ditë më parë, e jo dy vite siç edhe ka ndodhur në të vërtetë. Teksa denoncon Dakon, Braho nuk shqetësohet edhe nëse do ta heqin nga puna. Operacionin e SPAK për autoshkallën, ai e konsideron subjektiv pasi thekson se aty ka pasur korrupsion, por e vërteta nuk ka dalë ende në shesh.
Deklaratat e Arbi Brahos:
“Mjafton të vini në Durrës që të shikoni se situata në Durrës vijon të jetë sikur tërmeti ka rënë pardje. Nuk i referohem vetëm periudhës pas tërmetit, njerëzit janë të lodhur, s’e kanë pasur mundësinë të shprehin mllefin e inatin. Pika që derdhi vazon ishin disa arrestime për atë autoshkallën e famshme. E vërteta duhet të dalë në shesh, jo sikur ka pasur një korrupsion nga stafi i bashkisë, aty ka histori korrupsioni për një vlerë qesharake që dikush e ka marrë. Por në fakt, arrestimet e SPAK nuk kanë qenë objektive, por subjektive.
Më besoni që më dhemb që të flas kështu për një person që është pjesë e një force politike që është edhe familja ime. Jam pjesë e Partisë Socialiste para se të jetë Dako e banda që i vjen mbrapa. Kjo është një lloj arrogance, nuk i duan njerëzit që punojnë, njerëzit që flasin. jemi në rolin me bletën mbretëreshë, të gjithë punojnë për të mbajtur Dakon në fuqi, jam kundër kësaj.”
Discussion about this post