Thuhet shpesh se yjet i përkasin një kategorie të ndryshme njerëzish, të cilëve pjesa tjetër nuk mund t’i afrohet, por rrëfimi i fundit i Dakota Johnson se prioritet në jetën e saj është gjumi, vjen për ta përmbysur këtë perceptim.
Aktorja 34-vjeçare ka folur së fundmi për Wall Street Journal për zakonet e saj të përditshme dhe ka treguar se pa gjumë të mjaftueshëm nuk është funksionale. Konkretisht ajo ka deklaruar se i duhen të paktën 10 orë gjumë, ndërsa mund të flejë lehtësisht deri në 14 orë.
“Nëse nuk jam në punë, nëse kam pushim të hënën, do të fle sa të mundem. Gjumi është prioriteti i jetës sime”, tha ajo, duke shtuar se gjithmonë mundohet të flejë dhjetë orë gjumë.
Kjo mund të mos jetë e mundur për të gjithë ne, por Johnson, e cila e ka këtë mundësi, i përmbahet asaj pa rezerva dhe duket se është ndikuar nga shoqja e saj Gwyneth Paltrow, e cila për shumë vite ka argumentuar se cilësia e jetës së saj përcaktohet kryesisht nga gjumi i mirë. Dhe kjo, natyrisht, është diçka që e dinim dhe shpesh nuk mund ta arrijmë për arsye të ndryshme, megjithatë dy femrat duket se betohen për gjumin si mënyra më e mirë për të jetuar një përditshmëri të bukur.
Pyesim veten nëse ish-i dhe aktuali i saj Chris Martin po fle gjithashtu kaq shumë orë, apo po pret me durim që Dakota të zgjohet, siç ka bërë Gwyneth. Sido që të jetë, le të shpresojmë që një ditë të kemi edhe këtë mundësi – të mos na presë Martini të ngrihemi nga shtrati, por të bëjmë një gjumë të këndshëm e të kënaqshëm për 8 orë.
Discussion about this post