Daliç i hidhëruar: Një fillim jo i mirë, na duhet fitorja me Shqipërinë dhe Italinë

Zlatko Daliç, trajner i Kroacisë, ka analizuar në kanalet e UEFA-s humbjen e djeshme 3-0 ndaj Spanjës.

“Nuk është fillim i mirë, por përgëzoj Spanjën për fitoren. Na mungonte energjia dhe agresiviteti dhe e pësuam golin e parë për shkak të një gabimi. Më e keqja është se golin e parë e pësuam nga një këndore, nuk duhet ta kishim lejuar, ndeshja u vendos në atë moment”.

Daliç e ka të qartë se në dy ndeshjet e radhës, me Shqipërinë dhe Italinë, duhet patjetër fitorja.

“Ne do të analizojmë se çfarë shkoi keq. I dhamë shumë kohë dhe hapësirë ​​kundërshtarit dhe u ndëshkuam. Na kanë mbetur edhe dy ndeshje në fazën e grupeve. Duhet të fokusohemi në ato dhe të përpiqemi të marrim dy fitore”, shtoi ai