Klubi i Tiranës ka nxjerrë sot çmimet e biletave për derbin me Partizanin. Sfida e javës së gjashtë do të luhet më 25 tetor në orën 19:45 në stadiumin ‘Air Albania’.
Teksa na ndajnë edhe disa ditë nga kjo ndeshje klubi ‘Bardheblu’ ka publikuar çmimet e biletave në rrjetet sociale, të cilat variojnë nga 500-5000 lekë të reja.
Ndërsa në këtë njoftim Tirana bën me dije se biletat do të shiten te stadiumi ‘Selman Stërmasi’, ndërsa bën thirrje që ato të blihen në avancë për të shmangur radhët.
“Dalin në shitje biletat për ndeshjen KF Tirana-FK Partizani e cila do të luhet të Hënën, 25/10/2021, ora 19:45 në stadiumin “Air Albania”. Biletat mund t’i gjeni pranë biletarisë së stadiumit “Selman Stërmasi”, prej orës 10:00-18:00 si edhe online në: Lutemi që përfitimi i biletave të bëhet në avancë për të shmangur radhët dhe grumbullimet në pikat e shitjes, për të ruajtur dhe mbrojtur shëndetin e njëri-tjetrit.”-shkruhet në njoftimin e ‘Bardhebluve’.
Ndërsa rikujtojmë se para kësaj sfide Tirana qëndron në krye të tabelës së Superligës me 11 pikë, ndërsa Partizani renditet në vend të shtatë me vetëm katër pikë në pesë ndeshje të zhvilluara./K.T/Gijotina.com
