Kohë arrestimesh në kampin rozë, në një kohë që inceneratorët janë shndërruar në një makth të frikshëm për një pjesë të qenësishme dhe të domosdoshme të kampit rozë. Arrestimi i Tahirit duket se po u del prej hundësh atyre që festuan deri në mëngjes për burgun e ish-ministrit, teksa tashmë, vjedhja e dekadave, grabitja unikale me inceneratorët pritet që me ditë të vërë në lëvizje drejtësinë e re. Erion Veliaj, apo Engjëll Agaçi? Cilin prej tyre ka lëshuar Rama?
Kjo është pyetja që lind natyrshëm në këtë valë arrestimesh për drejtësinë e re. Në lëvizjet dhe fytyrat e të treve shikon zi, busulla ka humbur, teksa lart e poshtë kanë nisur të pyesin se a ka wireless në qeli, dhe ku janë ambientet më të këndshme për të bërë një burg prej standardi real… Frikë, ankth, e mbi të gjitha pasiguri, për një fakt: Cilin nga këta ka lëshuar ose pritet të lëshojë Edi Rama? Agaçi është zhdukur prej kohësh nga çdo lloj qarkullimi në një kohë që nuk kanë munguar zërat dhe për dorëheqje të refuzuara.
Zilen e celularit dhe të derës e ka vënë më “silent”, në një kohë që poshtë monitorojnë për ndonjë makinë që mund të parkohet në çdo moment, nga ku prej saj do të dalin ekzekutuesit e urdhër-arresteve. E megjithatë, urrejtja socialiste mbi të gjitha është për atë, njeriun e “boleve” të hekurta, Lalin që kuotohet si zyrtari që është fare afër një arrestimi të mundshëm. Inceneratorët kanë bërë që në axhendën e tij të mistershme tashmë ka dalë Duka e është futur Ben Kraja e shumë të tjerë. Lufta brenda llojit në kampin rozë shikon Ramën që vëzhgon se kush do e fitojë duelin e kapjes së drejtësisë, mes Veliajt dhe Engjëll Agaçit.
Të dy janë me “asistencë” sociale e me “kredi”, kështu që në nivele pariteti presin se kush prej tyre do të japë bakshishin më pikant. Rama prej kohësh shikon që Lalin e duan të sakatosur brenda pushtetit të tij, por në anën tjetër një rrëzim i Erionit mund t’i sjellë krisjen edhe themeleve të pushtetit të tij që inceneron grabitje të frikshme. Lali, ose Veliaj ndien se tashmë është fare afër një takimi “konsultativ” me sapunin e institucioneve të riedukimit. Gjysma e Bashkisë që drejton është marrë në pyetje, në një kohë që tentakulat e pushtetit të tij ekonomik kanë kohë që janë instaluar afër atyre që do të firmosin urdhër-arrestin.
E megjithatë, nuk është vetëm ky, por edhe Agaçi. Te Veliaj shikohet qartë që brenda së qeshurës së tij ka frikë dhe lexohet makth, pasi ka gjurmë zyrtare në shkresat e inceneratorëve. Ndërsa te Agaçi frika shikohet në zhdukjen e tij nga të gjithë, teksa ka një tjetër histori. Mbase me të rëndë. Megjithatë, Veliaj kuotohet si njeriu që mund të shkojë shpejt në qeli. E mbase nuk e ka hallin këtu, por aty brenda realisht do të ketë një betejë jete: ME SAPUNIN!
Discussion about this post