Godina e universitetit të Katarit, e cila u përdor si strehim nga kombëtarja e Argjentinës në Kampionatin Botëror, bëri me dije se dhoma e Lionel Messit do të ruhet si muze. Ende nuk dihet nëse vendi do të zhvendoset që aty apo jo. Llogaria zyrtare e institucionit arsimor ka publikuar një postim në të cilin shfaqen imazhet, përfshirë një vitrinë me fanella të lojtarëve të ndryshëm të kombëtares dhe një kuti me firmat e tyre. Ka edhe foto të objekteve të ndryshme që janë ngritur në kompleksin e përdorur nga “Albiceleste”.
Dhoma e Messit ishte B201, ku “pleshti” qëndroi vetëm gjatë gjithë Kupës së Botës. E vetmja natë në të cilën ai ndau vendin ishte ajo para finales, kur mori një vizitë Sergio Aguero, i cili ka qenë gjithmonë shoku historik i dhomës me Argjentinën.
Dhomën e Messit gjatë Kupës së Botës mund të vijnë ta vizitojnë të gjithë futbolldashësit nga e gjithë bota.
Discussion about this post