Ditën e sotme janë bërë publike pamjet e momentit kur forcat e policisë kanë dërguar në Drejtorinë e Policisë Elis Suçin, një nga autorët e grabitjes nën kërcënimin e armës në filialin e postës në Kamëz dy ditë më parë.
Sipas njoftimit të policisë, bëhet me dije se Suçi është vënë në pranga ditën e sotme ku është bërë i mundur edhe sekuestrimi i rreth 1 milion lekëve të reja të cilat dyshohet se janë paratë e grabitura në postë si dhe një armë zjarri pistoletë.
Gjithashtu, mësohet se Kurti dhe Suçi, rreth orës 14:20 të datës 18 prill, të maskuar, nën kërcënimin e armës lodër, morën rreth 1 milion lekë të reja në filialin e postës Shqiptare në Kamëz.
Së fundmi, ata mundën që të largoheshin dhe të identifikoheshin një ditë më pas. Para grupit hetimor, Kurti tregoi se nuk donte që t’i bënte keq punonjëseve të bankës, nëse këto të fundit do t’i jepnin paratë që ai kërkonte.
“Vijon operacioni policor i koduar “Filiali 2”, i zhvilluar nga Komisariati i Policisë Nr. 5. Kapet dhe vihet në pranga autori kryesor i vjedhjes së një shume parash, nën kërcënimin e një arme, në filialin e Postës Shqiptare. Sekuestrohen 1 milion lekë të rinj, një aparat celular, një armë zjarri pistoletë dhe veshjet që autori dyshohet se i ka përdorur gjatë kryerjes së krimit. Shërbimet e Komisariatit të Policisë Nr. 5, në Kamzë, në vijim të punës për goditjen e paligjshmërisë dhe kapjen e personave në kërkim, në vijim të veprimeve intensive hetimore, në bashkëpunim me Sektorin e Forcës së Posaçme Operacionale, bënë kapjen dhe arrestimin në flagrancë të shtetasit E. S., 30 vjeç, banues në Kamzë. Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.”
Discussion about this post