VIDEO/ Dalin pamjet nga vendi ku u vra shqiptari, trupi në rrugë

Sipas mediave greke, personi që u ekzekutua në orët e para të së enjtes në Evosmos të Selanikut, Erald Jonuzi ishte i njohur për problemet me ligjin.

37-vjeçari mbante pseudonimin “Zezaku” dhe dyshohet se ishte i përfshirë në falsifikime, pasi kishte vuajtur më parë dënimin me burg për vrasje të mbetur në tentativë.

Prita ndaj 37-vjeçarit është ngritur në orët e para të së enjtes, kur ai po kthehej në pallatin ku banonte, në rrugën Vizyinou.

Më poshtë video tregon momentet e para të gjetjes së viktimës, dhe duket trupi i tij që dergjet ende në rrugë.

Burime policore, duke folur për protothema.gr, treguan për një vrasje për një larje hesapesh mes njerëzve të krimit.

Hetimet për vrasjen në Evosmos u morën nga Departamenti i Krimeve Kundër Jetës në Drejtorinë e Sigurimit të Selanikut.