Dalin pamjet nga zjarri i frikshëm që përfshiu sallën e një restoranti ku po mbahej një ceremoni martesore në Irak, ku humbën jetën tragjikisht 114 persona.
Videoja fillon me pamjet e të porsamartuarve duke kërcyer në pistën e vallëzimit, ndërsa rreth tyre janë ndezur fishekzjarrë dhe askush nuk e dinte se çfarë do të ndodhte më pas.
Në pamjet shihet se si nga fishekzjarrët ka marrë flakë tavani dhe më pas zjarri është përhapur në të gjithë lokalin. Sipas Daily Mail, Haneen dhe Revan, siç janë emrat e të sapomartuarve, i kanë shpëtuar zjarrit teksa kanë arritur të fshihen në kuzhinë.
Familjarët që i kanë vizituar në spitalin ku po trajtohen për plagët kanë thënë se çifti është në gjendje të keqe psikologjike.
Could you imagine being at this wedding?
A new video has been released showing the very moment that a fire started at the Iraq wedding this past Thursday in the northern province of Nineveh.
Sadly, over one hundred people lost their lives, and many more suffered injuries after… pic.twitter.com/rThQrTHJAm
— Ed Krassenstein (@EdKrassen) September 28, 2023
Nga ana e tij, babai i dhëndrit i tha CNN se ai e konsideron përgjegjës për tragjedinë pronarin e vendit ku u mbajt pritja: “Fajësoj pronarin e lokalit për atë që po ndodh sepse nuk kishte as zjarrfikëse dhe as masa sigurie”.
Kujtohet se tragjedia me 114 të vdekur dhe më shumë se 150 të plagosur ka ndodhur në qytetin Karakos, afër Mosulit.
Discussion about this post