Dalin pamjet e vrasjes së 41 vjeçarit, autorët qëllojnë dhe më pas … (VIDEO)

Publikohen pamjet nga atentati i ndodhur mbrëmjen e djeshme në Vlorë, ku u ekzekutua 41-vjeçari Leartiad Kekaj.

Nga pamjet e publikuara nga OraNeës shihet se si nga makina Audi A6 qëllohet, tre persona ikin me vrap, ndërsa viktima shfaqet i fundit.

Referuar pamjeve, automjeti ikën dhe kthehet mbrapsht me “indietro” dhe e riqëllojnë nga brenda makinës 4 herë në kokë.

Dyshohet se fillimisht plumbat e kanë prekur viktimën në këmbë, ndërsa ai rrëzohet.

Autorët kanë qëlluar me breshëri, ndërsa gjurmë plumbash janë gjetur në muret e banesave përreth, madje edhe në ballkonin e një apartamenti.

Ngjarja ndodhi rreth orës 21:50, në lagjen “28-Nëntori”, në rrethana ende të paqarta.

Mësohet se viktima ka qenë duke udhëtuar me motor, kur është qëlluar me armë zjarri nga një person i maskuar, i cili ndodhej në një makinë.

Makina “Audi” që dyshohet se është përdorur për krim është gjetur bashkë me kallashnikovin brenda totalisht e shkrumbuar në fshatin Kotë në Vlorë.

“Nga kontrolli i zonës, në aksin rrugor “Kotë- Sevaster”, shërbimet e Policisë kanë konstatuar një automjet tip “Audi”, duke u djegur”, sqaroi policia në njoftimin zyrtar.

Autorëve i janë dashur vetëm 12 minuta për tu larguar nga vendi i krimit te vendi ku u gjet automjeti i djegur në aksin Kote-Sevaster.

Ndërkaq, një kallashnikov është gjetur në pjesën e pasme të makinës ngjyrë e errët me targa italiane të vjedhura, çka ngre dyshimet se viktima Leartid Keka është qëlluar me dy armë të ndryshme.

Kjo pasi në trup nga ekspertiza i janë gjetur plagë nga 2 armë të ndryshme. Dyshohet të jetë përdorur një armë tip pistoletë dhe një armë automatike. Nga ekspertiza mësohet se ka mbi 6 plumba në trup dhe kokë.

Nga policia konfirmohet se kamerat e vendosura në akset rrugore kanë filmuar mjetin.

Kamerat nga bizneset, por edhe ato në rrugë mendohet se mund të ndihmojnë policinë edhe për identifikimin e autorëve.

Pas ngjarjes policia ka shoqëruar 10 persona në komisariatin e Vlorës, ndërsa ka marrë në pyetje 30 persona.

Kryesisht personat e marrë në pyetje janë familjarë, shokë të viktimës apo të njohur të tij, të cilët janë për konfliktet që ai ka patur apo ngjarje të mëparshme.

Nga ana tjetër, mësohet se rreth 10 personat që janë shoqëruar në komisariat kanë qënë kryesisht dëshmitar okular të cilët kanë treguar ngjarjen e plotë.
Sipas tyre makina “Audi A6” me targa italiane, me xhama të zinj kishte në brendësi të saj dy persona, shoferin dhe qitësin.

Laert Keka ka ndërruar jetë në momentin kur qitësi ka dalë nga makina dhe e ka goditur për herën e fundit dyshohet në kokë.

Ende nuk dihen motivet e vrasjes, por dyshohet se mund të ketë ndodhur për hakmarrje. Sipas policisë thuhet se 41-vjeçari ka pasur një konflikt të mëparshëm, por nuk jep më tepër detaje.