Një plagosje me armë zjarri ka ndodhur pasditen e sotme në Fushë Krujë ku ka mbetur i plagosur Marklen Haka. Plumbi e kapi të riun në nofull, ndërsa mësohet se është transportuar për në Spitalin e Traumës, Tiranë, për ndihmë mjekësore dhe për momentin ndodhet jashtë rrezikut për jetën.
Ndërkohë kanë dal pamjet e para nga vendi i ngjarjes ku u bë atentati ndaj anëtarit të bandës së Niklës. . Siç duket edhe nga pamjet, Mariglen Haka u qëllua me armë zjarri në fytyrë në një kryqëzim në Nikël, pranë një fushë të madhe.
Momentin e atentatit, Markleni ka qenë duke lëvizur me makinë, ndërsa është qëlluar nga një person ende i paidentifikuar i cili lëvizte në këmbë.Nuk dihet se kush është personi, por përballë vendit ku u qëllua Haka ka një biznes, kamerat e të cilit mendohet se mund të ketë kapur gjithë ngjarjen.
Kujtojmë që Haka, i shpëtoi atentatit të ndodhur më 26 shtator të vitit 2019, ngjarje në të cilën iu vra halla, ka mbetur i plagosur. Haka u qëllua me 85 plumba nga dy drejtime mbrëmjen e 26 shtatorit në derën e shtëpisë së tij. Vetë i riu mbeti i plagosur, ndërsa halla e tij, Shpresa Basha ndërroi jetë si pasojë e plagëve të marra.
Marklen Haka është dënuar në muajin prill 2019 me 1.6 vite burg. Më 13 qershor të vitit 2011, ai është shoqëruar si i dyshuari kryesor për vrasjen e biznesmenit të kromit Nadien Zeneli, në zonën e ish-Bllokut. Shkaku për atentatin dyshohet të ishte bërë fakti që i riu dyshonte se Zeneli i kishte vrarë të vëllanë, Roland Haka, në vitin 2004. Megjithatë Marklen Hakau lirua muaj më vonë.
Discussion about this post