Dalin pamjet nga aksidenti i rënë që ndodhi ditën e sotme në Koplik, ku humbi jetën një person. Në aksident janë përfshirë 4 makina, ku si pasojë humbi jetën 45-vjeçari Durim Leshaj i cili ishte pasagjeri që udhëtonte në mjetin tip “Volkswagen”, ndërsa dy të tjerë u plagosën rëndë. Siç shihet nga videoja mjeti tip “Benz” me drejtues një 20 vjeçar vjen me shpejtësi të frikshme, duke përplasur mjetin tip “Volkswagen” që ishte para tij.
Si pasojë e përplasjes së fortë Volkswageni ka dalë nga rruga duke shembur edhe tabelën e sinjalistikës që ndodhej në rrugë, ndërsa kalimtarët e rasatit vrapojnë për të dhënë ndihmën e parë, për të aksidentuarit. Shoferi i “Benzit” është shoqëruar në ambientet e Policisë, për veprime të mëtejshme, kurse 2 të plagosurit ndodhen në spital, jashtë rrezikut për jetën. Ndërsa Leshaj ka ndërruar jetë vetëm pak minuta pas aksidenti. Ndërkohë, grupi hetimor vijon punën për sqarimin e rrethanave të aksidentit.
