Klubi i Vllaznisë është i pari në Shqipëri përsa i përket vlerës së lojtarëve që ka në përbërje. Në një renditje të Transfermarkt, klubi Shkodran mban vendin e parë me një vlerë prej 4.73 milionë eurosh, shifër e arritur me afrimet e bëra së fundmi.
Vendi i dytë mbahet nga Tirana e cila kap vlerën e 4.35 milionë eurove, ndërsa në vend të tretë renditet Teuta me 4.10 milionë euro.
Kukësi mban vendin e katërt me 3.93 milionë euro, Laçi i pesti me 3.88 milionë euro dhe Partizani është në vend të gjashtë me 3.8 milionë euro.
Dinamo, Skënderbeu, Egnatia dhe në fund Kastrioti renditen në vendet e fundit. Vlera totale e Superligës shqiptare shkon në 36.5 milionë euro, ndërsa duhet theksuar se merkatoja në vendin tonë mbyllet më 5 shtator dhe deri atëherë mund të ketë shtesa të tjera dhe lëvizje në këtë renditje./Gijotina.com
