Beteja 136 ditore, mes Ilirit dhe Donaldit, gjatë rrugëtimit të “Big Brother Vip” për të fituar çmimin e madh, ka sjellë një vorbull komentesh, reagimesh dhe qëndrimesh nga jashtë. Rezultati final ku fitues i çmimit të madh u shpall Ilir Shaqiri, ka nxjerrë në dritë shumë prapaskena të tjera.
Në çdo prime, moderatorja Arbana Osmani i bënte thirrje publikut që të votonte për banorin që do donin ta shikonin në finale, votë e cila korrespondonte ndaj një vlere monetare. Televotimi me pyetjen ‘Kush doni të jetë fitues’ u zhvillua fuqishëm dhe mori përmasa të mëdha. Gjatë natës finale mësohet se janë kryer më shumë se 400000 votime, ku çdo votë kushton 200 lekë të reja. Me një matematikë të thjeshtë, arrihet në përfundimin që “Top Channel” ka bërë kërdinë me lekë, pasi kanë arritur një fitim prej 80.000.000 milionë lekë.
Kujtojmë që në media kanë qarkulluar lajme ku një punonjës i një Call Center-i ka denoncuar në rrjetet sociale, se pronari po i mbush telefonat dhe po i detyron të votojnë për Donaldin. Duke publikuar edhe telefonin me votat e dërguara për Donaldin, punonjësi rrëfen se pronari është miku i Romeos.
Mirëpo detaje të tjera kanë dalë në dritë. Burimet pranë Top Channel, bëjnë me dije se Romeo, vëllai binjak i Donaldit, kishte lidhur një kontratë me një Call Center, që vlente deri në orën 21:30, ku suportonte aktorin me vota. Por kjo “lojë” i ka dalë jashtë pritshmërive pasi, pikërisht në këtoë orë, moderatorja e programit ka hapur një tjetër televotim për fituesin.
Pikërisht në këto momente Romeoj është nxehur dhe është nxjerrë me dhunë jashtë ambienteve të “Top Channelit” nga sigurimi. Krah tij, me gjasë në përpjekje për ta çtensionuar situatën shihet zëvendës drejtori i Top Channel, Bjorn Xhokaxhi. Në turmë, andej kalon edhe vëllai i Bora Zemanit, Lisieni, i cili duket i pashqetësuar me atë që po ndodh dhe i fokusuar tek puna e tij, si pjesë e stafit të Top Media.
Të njëjtat burime bëjnë me dije se Romeo ka humbur rreth 30 mijë euro me marrëveshjen me Call Centerin. Kur ka mbaruar BBV, Donaldi ka pyetur ku është Romeo dhe fill pas kësaj ai është larguar nga Topi.
Mësohet se në total që nga nisja e “Big Brother Vip” numërohen rreth 1 milion e 200 mijë vota. Fitimi gjatë këtij reality show ka qenë në përmasa të papara pasi vetëm gjatë finales, sekonda për një reklamë të transmetuar kushtonte vetëm 200 euro.
Discussion about this post