Sekretari i Përgjithshëm i Partisë Socialiste, Damian Gjiknuri ka folur pas mbledhjes së kryesisë në selinë e PS. Përmes një deklarate për mediet ai se, kjo forcë politike është gati që sot të hyjë për të fituar zgjedhjet e pjesshme lokale. Ai tha se Gjykata Kushtetuese nuk duhet ta vonojë më vendimin pas publikimit të opinionit të Venecias, duke theksuar se presin që 45 ditë nga ky vendim, presidenti të shpallë ditën e zgjedhjeve.
“Ne gati jemi dhe për zgjedhjet e pjesshme vendore, pas zbardhjes së vendimit nga Gjykata Kushtetuese, që nuk ka pse vonon pas opinionit të Venecias, brenda 45 ditësh presidenti duhet të dekretojë zgjedhjet. Ne jemi të gatshëm që ti fitojmë ato”, u shpreh ai.
Gjiknuri theksoi se, PS është gati të ulet të tryezën e Komisionit të Reformës Zgjedhore, por shtoi se është herë për të folur për propozime konkrete. “Partia është fokusi kryesor dhe ajo që konkurron në zgjedhje. Komisioni i Reformës Zgjedhore është një komision që ka qenë bipartizan dhe besoj se shumë shpejt do vendoset ngritja e tij. Për çështje që ka traditë parlamentare PS dhe PD duhet të jenë pjesë në komision. Është shpejt për të folur për ndryshimet. Ne e bëmë me PD kur ata nuk ishin pjesë e parlamentit jo më tani që janë në parlament dhe procesi është normal”, deklaroi ai.
Ndërsa u shpreh i bindur, PS do të shqyrtojë çdo propozim të PD pse jo për të gjetur një gjuhë të përbashkët.
