Dani Alves ka zhvilluar ndeshjen e tij të parë në burg, një javë pasi arrestua nën akuzën e sulmit seksual.
Ish-futbollisti i Barcelonës u vu në pranga në lidhje me një ngjarje të ndodhur një vit më parë në një lokal nate në qendrën e Katalonjës, në një kohë kur ai u paraqit me vullnetin e tij përpara autoriteteve menjëherë sapo skandali shpërtheu.
Akuzat e rënda detyruan ekipin meksikan të Pumës ta largonin menjëherë 39 vjeçarin, deri në përgjigjen përfundimtare të gjykatës.
Tashmë prej një jave, Alves po qëndron në burgun Brians 2, i vendosur në Sant Esteve Sesrovires në rrethinat e qytetit të Barcelonës, ku po pret dhe lirimin me kusht.
E ndërsa procedurat ende nuk kanë përfunduar mediat kanë zbuluar se futbollisti ka luajtur dhe ndeshjen e parë si i burgosur, takim i cili pati interesin e madh dhe të dënuarve të tjerë.
Mësohet se braziliani po qëndron në qeli me një person të njohur, i cili më herët ka qenë dhe truproja e futbollistit Ronaldinho.
Discussion about this post