Mbretëria e Danimarkës do t’i dërgojë Ukrainës një paketë ndihme ushtarake me vlerë mbi 800 milionë dollarë”, kështu u shpreh presidenti ukrainas, Volodymyr Zelensky gjatë fjalimit të tij mbrëmjen e së martës të publikuar në rrjetet sociale.
“Për sa i përket përmbajtjes, është pikërisht ajo për të cilën kemi rënë dakord me kryeministren Mette Frederiksen dhe ekipin e saj qeveritar,” deklaroi lideri ukrainas.
Zelensky e cilësoi paketën “një vendim të rëndësishëm” dhe “një përforcim të mirë”, duke vënë në dukje se ishte “paketa më e madhe e mbrojtjes për të gjithë periudhën e një lufte në shkallë të plotë”.
Muajin e kaluar, Danimarka dhe Holanda u zotuan t’i sigurojnë Ukrainës avionë luftarakë F-16, ndërsa Kievi vazhdon të bëjë presion ndaj aleatëve për ndihmë të vazhdueshme dhe mbështetje ushtarake për të ndihmuar në kundërofensivën ndaj Rusisë.
Discussion about this post