Danimarka është gati të votojë fillimin e negociatave për Shqipërinë, ky është mesazhi që vjen nga Kryenegociatori i Shqipërise për integrimin në BE, Zef Mazi.
Ai zhvilloi një takim me Ministrin e Jashtem te Danimarkes, z. Jeppe Kofod dhe Sekretarin e Shtetit për Evropen, z. Carsten Grønbech-Jensen.
Jensen shprehu vlërësimin e tij për raportin “Shqipëria 2021”, duke e cilësuar atë si ndër më pozitivët në Ballkanin Perëndimor. Sipas tij, Danimarka i përmbahet parimit të qëndrimeve strikte dhe të drejta. Danimarka vlerëson raportin dhe, duke iu referuar kritereve të cilave i përmbahet, theksoi se Konferenca e parë Ndërqeveritare është vetëm fillimi i negociatave teknike.
Mazi paraqiti një pasqyrë të plotësimit të gjithë kërkesave të Këshillit Evropian për mbajtjen e Konferencës së parë Ndërqeveritare, tashmë konfirmuar institucionalisht nga KE. Ai u ndal më tej në pikat kyçe të progres raportit për Shqipërinë “Shqipëria 2021”.
Gjatë takimit u shënua rëndësia e mbajtjes së Konferencës së parë brenda presidencës sllovene. Egzistojnë mundësi që një ngërç aktual të mund të marrë zgjidhje sa të mos pengojë procesin e zgjerimit.
I pranishëm ishte dhe Zv/ministri i brendshëm Lamallari i cili bëri një prezantim të gjithë punës së bërë nga policia dhe organet ligjzbatuese në vend.
Takimi mes tyre u mbyll me gatishmërinë e të dyja palëve për forcimin e marrëdhënieve mes dy shteteve.
