Autoritetet daneze kanë ndaluar një anije kërkimore ruse dhe kanë sekuestruar dokumentet e anijes. Njoftimi u bë i ditur nga ambasada ruse në Kopenhagë. Agjencia ruse e lajmeve RIA raportoi se 61 persona ishin në bordin e anijes.Ambasada tha se anija, Akademik Ioffe i Institutit Shirshov të Oqeanologjisë të Akademisë Ruse të Shkencave, u ndalua më 1 nëntor ndërsa po mbushej me karburant në portin e Skagenit.
Arrestimi i mjetit lundrues u krye si masë e përkohshme në një pretendim të palës së tretë në lidhje me aktivitetet e mëparshme të anijes Akademik Ioffe. Anija mbante flamurin rus dhe ishte në pronësi të Federatës Ruse. Autoritetet ruse argumentuan se anija përdorej nga Instituti i Oqeanologjisë Shirshov për qëllime shkencore.
“Anija është më flamur rus, është pronë e Federatës Ruse dhe përdoret nga Instituti Shirshov për Oqeanologji për qëllime shkencore”, tha ambasada ruse. Ndërkohë mediat ruse raportuan se kjo anije në të kaluarën kishte marrë turistë që paguanin me qëllim që të fitonte të ardhura shtesë për t’i paguar aktivitetet kërkimore.
Discussion about this post