Dalin të tjera detaje nga itenerari i Aleksandër Sadikaj, i cili humbi jetën në një atentat me eksploziv dy ditë më parë në afërsi të rrethrrotullimit të TEG, në dalje të Tiranës. Mësohet se Sadikaj, mbrëmjen e të premtes, ka qëndruar me të dashurën e tij, me të cilën ka darkuar në një restorant në Komunën e Parisit.
Gjatë kontrollit me banesë nga policia janë gjetur jelek anti-plumb, municion luftarak dhe një sasi lëndësh narkotike. Gjatë atentatit Sadikaj, mori plagë të rënda në trup, humbi gjymtyrët (këmbët) dhe nuk mundi t’i mbijetojë hemorragjisë në spital. 27-vjeçari po udhëtonte me mjetin e llojit tip “Golf” në momentin që lënda plasëse ishte e vendosur në pjesën e parme të makinës që u hodh në erë me 150 gramë tritol.
Makina shpërtheu ndërsa ishte në lëvizje e sipër, ndërsa dyshohet se autorët e hodhën në erë me telekomandë në distancë mjetin. Ndërkaq policia, si pistë kryesore ka të shkuarën e errët kriminale të viktimës së atentatit.
Discussion about this post