Fituesit e lotarisë amerikane për vitin 2022 kanë qenë në ankth për shkak të ngecjes së kthimit të përgjigjes së “dytë”, që cilësohet si fazë tranzite për procesin përpara dhënie së datës së intervistës. Departamenti Amerikan i Shtetit ka ndryshuar procedurat për fituesit, duke i thjeshtuar ato, transmeton G.SH. Sipas një njoftimi zyrtar, të publikuar nga DASH, seksioni i udhëtimeve, tashmë nuk nevojitet të dërgohet asnjë dokument plotësues, me aplikimin online, por ato paraqiten në momentin e intervistës në ambasadën apo konsullatën amerikane.
Bëhet me dije se, të përzgjedhurit e DV-2022 nuk duhet të dorëzojnë më në Kç asnjë dokument tjetër mbështetës të kërkuar për DV-2022 në mënyrë që të kualifikohen për t’u planifikuar për një intervistë personalisht në një ambasadë ose konsullatë.
Përkundrazi, të gjitha dokumentet mbështetëse për të përzgjedhurit e DV-2022 do të në lidhje me aplikimin do të shqyrtohen në ditën intervistën dhe do të vlerësohen në ambasadën ose konsullatën ku bëhet aplikimi për vizë.Ligji i SHBA-së kërkon që të gjithë aplikantët për vizë imigruese të ofrojnë disa dokumente mbështetëse të nevojshme për të përcaktuar përshtatshmërinë për një vizë.
Lista e dokumenteve është e disponueshme e gjeni këtu: https://travel.state.gov/content/travel/en/us-visas/immigrate/diversity-visa-program-entry/diversity-visa-if-you-are-selected/ diversity-visa-prepare-supporting-documents.html
Sakaq, theksohet se mos paraqitja e të gjitha dokumentet mbështetëse të kërkuara në ambasadë ose konsullatë do të penalizojë aplikantët që të vërtetojnë përshtatshmërinë e tyre për vizë dhe do të rezultojë në refuzimin e aplikimit për vizë; megjithatë, refuzimi për mungesë dokumentesh mund të tejkalohet, duke ofruar ndonjë dokument që mungon në seksionin konsullor. Ne inkurajojmë fuqimisht aplikantët që të jenë të përgatitur për të demonstruar disponibilitetin për vizë në kohën e intervistës duke pasur në dispozicion të gjitha dokumentet e kërkuara.
Discussion about this post