Deputeti i Partisë Demokratike Dashnor Sula ka folur për situatën në të cilën ndodhet aktualisht Partia Demokratike. Ai u shpreh se tërheqja e padisë nga Gjykata e Apelit do të “pajtonte” përfundimisht palët e kësaj force politike. Sula shtoi se përgjegjësia për gjendjen ku ndodhet sot PD u takon dy personave, përkatësisht ish-kryetarit Basha dhe liderit historik Sali Berishës.
“Fitorja dhe humbja e një partie është në sajë të kontributit të gjithsecili. As nuk humb dhe as nuk fiton vetëm një lider politik. Dy njerëz e kanë, njëri nuk u bë kurrë kryetari i vërtetë dhe tjetri nuk iki asnjëherë nga kryetari. Me këto dy fjalë do ta përshkruaja situatën në PD”, tha ai.
Deputeti u ndal tek vendosmëria e Sali Berishës për të cilin shtoi se është një personazh, i cili luan fort deri në minutën e fundit.
“Unë nuk i kam hedhur benzinë zjarrit, por jam përpjekur që të gjitha palët të afrohen. Sali Berisha është lojtari që luan deri në sekondën e fundit. Sali Berisha pret, ka luhatje,ka gjithçka dhe ai ka një gjë: Nëse do të fitojë Sali Berisha me të vërtetë, po e deshi, kjo është e kryer dhe shpresoj shumë”, tha Sula.
Discussion about this post