Dash Sula reagon pas lirimit të Salianjit: Ata të PD e përcollën me “oiiiii” dhe e pritën me xhelozi

Deputeti i Partisë Demokratike, Dashnor Sula, ka reaguar pas lirimit me kusht nga burgu ditën e djeshme të ish-deputetit Ervin Salianji.

Përmes një postimi në rrjetet sociale, Sula shkruan se në PD Salianjin e pritën me xhelozi pas daljes nga burgu.

Ai vijoi më tej duke thënë se askush nga udhëheqësia e PD nuk denjoi ta priste dje Salianjin, teksa shtoi se kjo tregon se në atë parti luftohet për të ruajtur statusquonë dhe jo për të maksimalizuar votat.

Postimi i Sulës:

E percollën me “oiiiii”, e pritën me xhelozi.

Dje doli nga burgimi politik Ervin Salianji, pas afro 10 muajsh izolim te padrejtë. Për Salianjin shoë me pranga në duar është një medalje sakrifice në interes publik.

Por, dje paradite Salianji doli nga burgu dhe para se të takonte familjen e tij biologjike, u drejtua për te familja politike për të takuar anëtarët e familjes politike. Për tu vlerësuar!

Feedbacku që mori?!

Asnjë nga udhëheqësia nuk denjoi ta priste. Nuk e kuptoj se ku shkuan të gjithë ata te devotshmit që ishin gati që të ngujoheshin për të mos e lejuar që të ekzekutohej vendimi gjykatës?!

Pse ishin më të gëzuar ata udhëheqës madhorë kur Salianji po shkonte në burg se sa tani që doli. Dje do duhet që të ishte një moment feste për Partinë Demokratike, por në fakt ndodhi e kundërta.

Ajo që ndodhi dje në PD, dëshmon më së miri situatën ku ndodhet partia. Nuk kanë mëndjen as për të fituar dhe as për të fituar por po zihen për ato postet brënda partisë dhe ndonjë post në Parlament. Për postet në parti, Salianji është një kandidat potencial ndaj “galloshet” janë bërë të gjithë bashkë për ta sfumuar pa ardhur Salianjin.