Kreu i LZHK Dashamir Shehi, ka akuzuar sot kryedemokratin Lulzim Basha se, që kur ka marrë drejtimin e PD, ka punuar vetëm për karrigen e tij dhe jo për të mirën e partisë, pa folur pastaj për koalicionet. Ai thotë se, koalicioni opozitar nuk është mbledhur asnjë herë për të diskutuar për disfatën e zgjedhjeve të 25 prillit dhe këtë e quan si një papërgjegjshmëri nga ana e Bashës.
“Jo nuk jemi mbledhur me thënë të drejtën. Pas zgjedhjeve nuk jemi mbledhur asnjë herë. Basha nuk na ka thirrur asnjë herë. Nuk kemi asnjë platformë për të diskutuar. Këto janë duke u marrë me hallin e vet. Që kur u bënë zgjedhjet, secili ka pasur opinionin e vet që e bëjmë publike në media, por mbledhje zyrtare që të ulemi dhe të diskutojmë, pse ndodhi kjo dhe kush e ka fajin nuk jemi ulur asnjë herë”, tha Shehi gjatë një interviste televizive. Ndërsa veprimet e fundit të kryeopozitarit, Shehi i sheh si shqetësim personal.
Discussion about this post