Gazetari Artan Hoxha ka ndarë një foto në rrjetet sociale të një hekuri që sipas tij është përdorur në protestën e 8 Janarit nga mbështetësit e Berishës për të hapur dyert e selisë.
Hoxha thotë se kjo “armë” u mbajt nga 8 persona njëherësh dhe shpartalloi derën nga krahu i xhamisë pak para se të ndërhynte policia dhe “t’u hiqte fitoren nga dora”.
“Ky është një mjet i improvizuar, i përdorur për herë të parë, gjatë një protestë “paqësore” në Shqipëri. Saldatorët hekurpunues të Berishës, e kanë ndërtuar për të thyer dyert e blinduara të selisë e PD-së, nga kovaçët saldatorë të Bashës.
Në lashtësi quhej “dash”, nisur nga fakti se imitonte sulmin me brirë të dashit. Ushtritë sulmuese e përdornin “dashin” për të thyer me forcë dyert e përforcuara të kështjellave. Në fakt vetëm kjo “armë”, e mbajtur nga tetë persona njëherësh, e shpartalloi rezistencën e derës se blinduar të PD-së nga krahu i xhamisë. Menjëherë pas shpërthimit të derës, ndërhyri policia me gaz lotsjellës dhe ua hoqi fitoren nga dora, “përmbaruesve” të Berishës” – shkruan Artan Hoxha.
Discussion about this post