Dashnor Sula: Qeveria gënjen qytetarët për rrogat para zgjedhjeve

Deputeti i PD, Dashnor Sula nga Kuvendi tha se Parlamenti mos të mbyllet dhe të vazhdojë punimet dhe në ditët të gjelbër.

Sula tha se qytetarët ankohen çdo ditë lidhur me problematikat që kanë, ndërsa mazhoranca gënjen dhe mashtron para zgjedhjeve për rritje page.

Sakaq shtoi se vendi ynë është më i varfri në rajon, dhe sipas parashikimeve kështu do vazhdojë deri në vitin 2028.

“Pse vutë taksë për hirrën, nuk lini gjë që të bjerë për tokë. Po të shqetësoheni për hirrën, hiqini dhe TVSH për pesticidet meqë shqetësoheni për fermerët. Për buxhetin dhatë 1.7 mln euro, prap nuk e morët parasysh. A e dini që FMN-ja e radhit Shqipërinë si vendin më të varfër në rajon deri në 2028, ekonomia shqiptare është në ditët më të këqija.

Rruga që keni nisur është pa krye, ju kujtoheni të bëni rritje page për zgjedhje, reni dhe mashtroni kishit kohë para 3 ose 4 viteve. Jam i sigurt që parlamenti do mbyllet sot deri në zgjedhje, jo duhet të behet pasi kemi hallet e qytetarëve që thonë mjaft më. Mos të mbyllet parlamenti, pasi me rregullore nuk lejohet të mbyllet”, tha ai.