Historia e dashurisë për një vajzë, përfundoi sot në një tragjedi me tre persona të vrarë në qendër të Klosit. Ajo që e bën tronditëse këtë ngjarje është fakti që mentaliteti në Shqipëri vazhdon të marrë jetë edhe në vitin 2022. Viktimë e pafajshme e kësaj tragjedie ishte 17- vjeçari Kenado Shira, të cilit sot iu shua çdo ëndërr, pas një sherri banal për vajzën që dashuronte. Shira u vra së bashku me babanë e tij Ilir Shira, nga Fiqiri Mjeshtri, pasi kishte një lidhje me vajzën e këtij të fundit.
Pas mbarimit të shkollës, i mitur u nis drejt e në lokal ku ndodhej babai i tij së bashku me Fiqiri Mjeshtrin, për të sqaruar ngjarjen. Por në ato momente situata ka agravuar dhe Mjeshtri ka nxjerr armën, duke vrarë të miturin si dhe babain e tij.
Mjeshtri u gjet i vetëvrarë në shtëpinë e tij në fshatin Dars. Në këtë masakër mbetën të plagosur dhe babë e bir, Eglantin dhe Renado Hasula.
Ngjarja u regjistrua rreth orës 14:00 në qendër të qytetit Klos. Tre vëllezërit Mjeshtri, dy anëtarët e familjes Shira dhe dy të familjes Hasula ishin ulur në kafe për tu sqaruar. Duket se biseda degraduar në sharje e fyrje. Ata kanë dalë jashtë kafes, ku 39 vjeçari ka nxjerr pistoletën, duke shkaktuar dy viktima e dy të plagosur.
Policia ka mundur të sekuestrojë armën e krimit dhe të arrestojë për ngjarjen Besnik Mjeshtrin dhe Fatmir Mjeshtrin dy vëllezërit e autorit të kësaj tragjedie. Besnik Mjeshtri rezulton se është punonjës i policisë bashkiake Klos. Dy të plagosurit, Eglantin Hasula dhe i biri 17-vjecar Renado janë në gjendje të rëndë në spitalin e Traumës.
Viktimat janë: Ilir Shira, 44 vjeç; Kenad Shira, 17 vjeç; Fiqiri Mjeshtri, autori i vetëvrarë.
Të plagosur (Babë e bir) janë: Eglant Hasula, 39 vjeç; Renato Hasula, 17 vjeç
Të arrestuar (Vëllezër) janë: Fatmir Mjeshtri, 44 vjeç; Besnik Mjeshtri.
Discussion about this post