Të paktën 20 kanë vdekur dhe 30 njerëz të tjerë janë të humbur pas përmbysjes së një barke të tej mbushur me njerëz që shkonte drejt një dasme sot në Pakistan. Më shumë se 100 anëtarë të një rrethi familjar duke përfshirë dhe fëmijë kishin hipur në mjetin e tragjedisë për të lundruar në lumin Indus në Pakistan kur ajo u përmbys.
Rreth 90 njerëz u nxorën nga grupet e shpëtimit teksa anëtarë të shërbimeve të emergjencës përpiqeshin të shpëtonin të mbijetuarit. Zyrtarët thanë se shumica e pasagjerëve ishin gra e fëmijë që shkonin në një martesë familjare në zonën lindore të Sadiqabad. Zyrtari i qeverisë lokale Aslam Tasleem tha për rrjetin vendas Geo Neës TV: “Kemi nxjerrë 20 trupa deri tani dhe shumica janë gra”. Ndërsa vazhdojnë kërkimet për trupa të tjerë.
Discussion about this post